17 iyun kuni Toshkent Pediatriya tibbiyot instituti hududida ToshPTIning 2019 yil magistratura bitiruvchilariga tantanali diplom topshirish marosimi bo'lib o'tdi. Toshkent Pediatriya tibbiyot institutining bitiruvchilarini institut professor-o'qituvchilari va rahbariyatidan tashqari, ota-onalari va do'stlari, hamda o'tgan yillar bitiruvchilari tabrikladilar.

An'anaga muvofiq, ushbu marosimni ToshPTI rektori, professor B.T. Daminov ochib berdilar. Botir Turg'unpo'latovich bitiruvchilarni tabriklab, ularga yangi va katta hayot yo'lida muvaffaqiyatlar tiladilar va diplomlarni topshirdilar.

Shuningdek, bitiruvchilarga tabrik so'zi va yahshi tilaklar bilan Otorinolaringologiya, bolalalar otorinolaringologiyasi va stomatologiya kafedrasi mudiri, professor Sh.E. Amonov va Ftiziatriya kafedrasi mudiri, t.f.d. F.K. Tashpulatovalar murojaat qildilar. Bundan tashqari, 2019 yil bitiruvchilarini ularning o'qituvchi va murabbiylari, ota-onalari hamda do'stlari samimiy tilaklar bilan tabrikladilar.

O'z o'rnida, magistratura bitiruvchilari rektor boshchiligidagi institut rahbariyatiga, va professor-o'qituvchilariga ularga ko'rsatilgan e'tibor, berilgan bilim va ko'nikmalar, sabr-toqat va har biriga yordam berishga tayyorligi uchun chin dildan minnatdorchilik bildirdilar. 

Tadbir yakunida bitiruvchilarning institut rahbarijati va professor-o'qituvchilari bilan birgalikda fotosessiyasi bo'lib o'tdi.

Marosimning fotosuratlarini yuklab olish uchun: 
https://drive.google.com/drive/folders/1RsehYJ2dSURJXSB6CjBfkWvEH4rv1pbN