19 iyun kuni Toshkent Pediatriya tibbiyot instituti hududida ToshPTIning 2019 yil bakalavr bitiruvchilariga tantanali diplomlar topshirish marosimi bo'lib o'tdi. Toshkent Pediatriya tibbiyot institutining bitiruvchilarini institut professor-o'qituvchilari va rahbariyatidan tashqari, ota-onalari va do'stlari, hamda o'tgan yillar bitiruvchilari tabrikladilar.

ToshPTI rektori, Professor B.T. Daminov

An'anaga muvofiq, ushbu marosimni ToshPTI rektori, professor B.T. Daminov ochib berdilar. Botir Turg'unpo'latovich bitiruvchilarni tabriklab, ularga yangi va katta hayot yo'lida muvaffaqiyatlar tiladilar va diplomlarni topshirdilar.

Shuningdek, bitiruvchilarga tabrik so'zi va yaxshi tilaklar bilan Gistologiya, patologik anatomiya kafedrasi professori E.A. Tursunov va Jamoat salomatligi, sog'liqni saqlashni boshqarish kafedrasi dotsenti M.F. Fayzievalar murojaat qildilar. Bundan tashqari, 2019 yil bitiruvchilarini ularning o'qituvchi va murabbiylari, ota-onalari hamda do'stlari samimiy tilaklar bilan tabrikladilar.

Gistologiya, patologik anatomiya kafedrasi professori E.A. Tursunov

 

Bitiruvchining buvasi O'zR FA Akademigi T.I. Iskandarov

O'z o'rnida, bakalavr bitiruvchilari rektor boshchiligidagi institut rahbariyatiga, va professor-o'qituvchilariga ularga ko'rsatilgan e'tibor, berilgan bilim va ko'nikmalar, sabr-toqat va har biriga yordam berishga tayyorligi uchun chin dildan minnatdorchilik bildirdilar. 

Tadbir yakunida bitiruvchilarning institut rahbariyati va professor-o'qituvchilari bilan birgalikda fotosessiyasi bo'lib o'tdi.

Bitiruvchilar o'quv ishlari bo'yicha prorektor Q.N. Xaitov (o'ngda) va Pediatriya fakulteti dekani T.S. Agzamhodjaev (chapda) bilan

Marosimning fotosuratlarini yuklab olish uchun:
https://drive.google.com/open?id=1ii165qOg214ssV8YrVIlXJx_wj378cyW