Joriy yilning 27-oktabr kuni Toshkent pediatriya tibbiyot institutida "Nevrologiyada yuksak qadamlar. Yurtdoshlarimizning chet eldagi tajribasi " mavzusida xorijiy yurtdoshlarimiz ishtirokida konferentsiya bo'lib o'tdi.
Toshkent pediatriya tibbiyot institutining xalqaro hamkorlik doirasida ushbu sohadagi ilg'or tajriba bilan almashish maqsadida konferensiyada ishtirok etish uchun chet ellik ekspertlar taklif etildi.
Tadbirga taklif etilgan mehmonlar:
- Azimov Alisher Saifullaevich - Kaliforniya shtatining San-Diego shahridagi UCSD shifoxonasining neyrofiziologiyasi bo’limi dotsenti. Kaliforniya shtatining San-Diego shahridagi Alvarado tibbiyot markazining bosh neyrofiziyologi. "Neyrofiziolgiya: kecha, bugun va ertaga" mavzusida ma’ruza qildi.
- Dadabaev Alisher Ravshanbekovich - VA Ann Arbor Healthcare System og’riqlar bo’yicha bosh mutaxassisi. Michigan shtatining Enn Arbor shahridagi Michigan universitetining Anesthesiologiya kafedrasida dotsenti. "Og'riqni boshqarish. Og'riq sindromi bo'lgan bemorlarni davolashni boshqarish" mavzusida ma’ruza qildi.
- Joldos Quljanov – taniqli olim va ortoped, AQShning eng yaxshi besh travmatologlaridan biri, professor, Missuri shtatidagi Sent-Luis Universitetining Ortopedik jarrohlik bo'limining direktori. "Ortopedik jarrohlikning zamonaviy imkoniyatlari" mavzusida ma’ruza qildi.
Tadbir O'zbekiston Respublikasi Sog'liqni saqlash vazirligi, Toshkent pediatriya tibbiyot instituti, Respublika ixtisoslashtirilgan Nevrologiya va Insult ilmiy-amaliy tibbiyot markazi va O'zbekiston nevrologlari jamoat birlashmasi tomonidan tashkil etildi.
Mazkur tashrif tibbiyot sohasida xalqaro ilmiy va amaliy yutuqlar haqida ma'lumot olish imkoniyatini berdi, Toshkent pediatriya tibbiyot instituti talabalari va o'qituvchilari bilimi va malakasini oshirishga yordam berdi.
