17 noyabr kuni Toshkent pediatriya tibbiyot institutida Xalqaro talabalar kuni nishonlandi.

Bu yil bayram juda noan'anaviy tarzda o'tdi - institut rahbariyati bayram tadbirini uyushtirdi, va shu bilan birga tadbir doirasida yangi talabalar oshxonasining ochilish marosimi bo’lib o’tdi.

Toshkent pediatriya tibbiyot institutida kun bo'yi do'stona va quvnoq muhit hukm surdi, chunki talabalar kuni munosabati bilan institut rahbariyati va institut faollari ToshPTI talabalarini tabriklash uchun bayramona dastur tashkil etdilar.

Bayramona kayfiyat institut rahbariyati tomonidan tashkillashtirilgan institut hududida bo’lib o’tgan kontsert bilan davom etdi. Milliy estradamizning yulduzlari talabalarni o'z chiqishlari bilan tabrikladi.

Shuningdek, talaba-faollar barcha bayram ishtirokchilarini o’z sahna ko’rinishlari va tanlovlar bilan tabrikladilar. Turli nominatsiyalar bo'yicha tanlov g'oliblariga homiylik mukofotlari topshirildi.

ToshPTI barcha talabalarini bayram bilan yana bir bor tabriklaymiz! O’qishingizda muvaffaqiyat, o’z kuchingizga ishonch, yuksak yutuqlar va g'alabalarga erishishingizni tilaymiz!