ToshPTI Gistologiya, patologik anatomiya kafedrasi professori Erkin Tursunov 274-sonli umuta’lim maktab o'quvchilariga nomli stipendiyalarni taqdim etdi.

Poytaxtimizdagi 274-sonli umumta’lim maktabida ana shunday xayrli tashabbus yo’lga qo’yildi. Ushbu ezgu ishga akademik va professor sifatida ilm sohasiga hizmat qilayotgan maktabning sobiq o’quvchilari hissa qo’shibdi. Fan olimpiadasi, “Bilimlar bellashuvi” hamda turli ko’rik-tanlovlarda faol ishtirok etayotgan iqtidor egalariga bu e’tibor qanot bag’ishlashi shubhasiz.

Kuni kecha tibbiyot fanlari doktori, ToshPTI Gistologiya, patologik anatomiya kafedrasi professori Erkin Tursunov 10-11 sinf o’quvchilari – Izzatilla Normatullayev, Dildora Murodjonova, Mehrol Bozorov, Nodir Obloberdiyev hamda Maftuna Baxtiyorovalarga pul mukofotini topshirdi. Shuningdek, o’quvchilar “Saboqlardan saboqlar olib…” nomli kitobni sovg’a tariqasida qo’lga kiritishdi.

- Bunday rag’bat a’lochi o’quvchilarni yanda faollikka, ijodkorlikka undaydi – deydi ma’naviy-ma’rifiy ishlar bo’yicha direktor o’rinbosari gulnora Ibragimova. – Qolaversa boshqa tengdoshlari ham ulardan o’rnak olishadi. Shu tariqa bu tashabbusimiz yil bo’yi davom etadi.