Talabalar dam olish kunlari va ta‘til vaqtida teatr va muzeylar, turistik sayohatlarga boradilar.  2-Pediatriya fakulteti 311 guruh talabalari ham 2019 yil  6 fevralda, jahon xoreografiyasining mashhur asarlaridan biri bo‘lgan  «Jizel» baletini ko‘rish uchun, o‘z  murabbiyi G.A.Xaytmatova bilan  Alisher Navoiy nomidagi Davlat opera va balet teatriga tashrif buyurdilar. Asarning birinchi qismidagi  real hayot, final qismidagi orzu dunyosiga qarama qarshi qo’yilgan. Baletning asosiy g‘oyasi, albatta - buyuk muhabbatdir.

Teatr - bu go‘zallikka oshufta bo‘lish, rejissyor, rassom, raqqoslar  ishidan ma‘naviy ozuqa  olishning  eng oddiy va bevosita yo‘lidir. "Jizel" baletining mohirona ijrosida biz haqiqiy, tanatanali, go‘zal teatrni ko‘rdik.

Teatr -  hamma  san‘atlar  uyg‘unlashgan, mujassamlashgan  san‘at turi hisoblanadi. Teatr - sahna asarlari mazmunida insonning  estetik didi shakllanishiga  va shaxsiy muammolarning yechimini topishga turtki bo‘ladigan,  insonlarning saxovatli ishlari va hatti - harakatlari, yovuzlikka qarshi kurashlardan   axloqiy, ma’naviy ozuqa olish, hayratlanish san’at turidir.