ICTWEEK doirasida ICTEXPO, ICTFORUM, ICTSUMMIT, Gadget Fair va boshqa tadbirlar bo’lib o’tadi.

Bu yilgi ICTWEEK Uzbekistan 2015 Axborot-kommunikatsiya texnologiyalar haftaligi 14-18 sentyabr kunlari bo’lib o’tadi. Haftalik matbuot xizmatining xabar qilishicha, u ilk marta o’tadigan bir qancha maxsus tadbirlarni o’z ichiga oladi.

ICTEXPO 2015 ko’rgazmasi misli ko’rilmagan miqyosda bo’lib o’tishi aytilmoqda — unda 150 ta kompaniya 2000 kv. metrlik maydonda tovar va xizmatlarini namoyish qiladi. Ko’rgazma Toshkent (15-17 sentyabr) va Samarqand (15-15 sentyabr) shaharlarida tashkil etiladi. Unga 30 ming kishi kelishi kutilmoqda. 

Ilk marta o’tkazilayotgan ICTFORUM 2015 forumi (16-17 sentyabr) AKTning rivojlanish tendenstiyalarini muhokama qilish uchun ekspertlarning o’ziga xos bahs maydoni bo’lishi bashorat qilinmoqda. U turli bloklarga bo’lingan konferensiyalar (eGovernment Uzbekistan, BestSoft Uzbekistan, Startup Conference, «AKT va turizm»), sektsiya majlislari («Telekommunikatsiya i infratuzilma», «Internet va axborot resurslari», «Axborot xavfsizligi»), mahorat saboqlari va guruh muhokamalari shaklida o’tadi.

18 sentyabrda bo’lib o’tadigan ICTSUMMIT 2015 an’anaviyAKT sammiti sohaning yil davomidagi rivojlanishiga yakun yasaydi hamda kelajakdagi strategik vazifalarni belgilaydi. Sammitda davlat idoralari, IT-korxonalar va tashkilotlar rahbarlari, xalqaro ekspertlar va jahon kompaniyalari vakillari ishtirok etadi.

15-17 sentyabrda ICTEXPO 2015 doirasida Gadget Fair gadjetlar yarmarkasi o’tkaziladi. Unga keluvchilar eng yangi qurilmalarni xarid qilishi mumkin.

AKT haftaligi davomida boshqa bir qancha qiziqarli tadbirlar o’tkazilishi ham rejalashtirilmoqda. 

ICTWEEK Uzbekistan 2015 haftaligida qatnashish uchun www.ictweek.uz saytida ro’yxatdan o’tish zarur.