Asomov Muzaffar Ilhomjon o’g’lining Piza Universitetidagi “Kardiologiya” mutaxassisligi bo’yicha 11.04. dan 10.07. 2018 y mobility dasturi bo’yicha Xulosa hisoboti
Pisa shahridagi birinchi hafta mobaynida Piza Universitetining Xalqaro hamkorlik, ta'lim va mobillik bo'yicha dasturning ofisida Laura Burgisano (KA107Credit mobillik dasturi koordinatori) bilan uchrashdim, va zarur hujjatlarni imzoladim.
13.04. Pisa universiteti Anatomiya fakultetida professor Gianfranco Natale (tibbiy loyihalar koordinatori) bilan tanishdim. Professor Piza universiteti anatomiya kafedrasining tarixi bilan tanishtirdi, mashhur universitet talabalarining asarlarini namoyish etdi, anatomiya muzeyi bilan tanishtirdi va ekskursiya uyushtirdi.
13.04. Professor Fabio Galetta (klinik va eksperimental tibbiyot bo'limining boshlig'i, sport tibbiyoti bo'limi boshlig'i) professor Ferdinando Franzoni (klinik va eksperimental tibbiyot departamenti boshlig'i) bilan uchrashdim. Piza shahrida Santa Chiara kasalxonasi tuzilmasi bilan tanishdim, ilmiy ishlarni va ilmiy tadqiqot ishlarini amalga oshirish rejalarini muhokama qildim.
Dr. Veronique Santini (ambulatoriya bo'limi shifokori) bemorlarni ambulatoriya poliklinikasida, brachiocefalik tomirlarning ultratovush texnikasi bilan tanishtirdi.
2-haftadan boshlab, har kuni ertalab soat 9:00 da Santa Chiara shifoxonasida ish koordinatorim Prof. Ferdinando Franzoni bilan uchrashuv bilan boshlandi. Har kuni men Santa-Chiari shifoxonalaridagi quyidagi shifokorlar bilan birgalikda tadqiqotlarni olib boradigan mavzuda bemorlarni tadqiq qildim: Professor F.Galetta (Klinik va eksperimental tibbiyot markazi, sport tibbiyoti bo'limi boshlig'i) E.Cerri ( Open Access Cardiology bo'limi shifokori), V.Santini (tomirlarni ultratovush tekshiruvi shifokori), R.Banducci (Stress EKG bo'limi shifokori), A.Petrocchi (yurak ultratovush tekshiruvi bo'limining doktori), doktor J.Fusi (biologiya fanlari doktori). Har kuni ambulatoriya bo'limi, diagnostika, kardiologiya va Yadro bo'limi bemorlarini tekshirdim. Tadqiqot ishlari uchun ma'lumotlar to'plardim,tahlil qiliardim va xorijy adabiyotda mavzuyimga oid qo'lyozmalarni taxlil qilish bilan shug'ullanardim.
20.04. Dr. Jonathan Fusi bilan birgalikda Universitetdagi Sport markazida 3 volonterda kardiopulmonar moslashuv mexanizmini baholash uchun test sinovlari o'tkazildi. J.Fusi tomonidan ishlab chiqilgan dastlabki dasturga ko'ra, dam olish vaqti bilan 9 mashg'ulot uchun jismoniy faoliyat uchun baholandi. Mashg'ulotlar warm up, bench press, lifting dumbbells, pull ups, stretching kabi mashqlardan iborat edi.
12.05. Firenza shahrida "Una nuova strategiya miratta alla riduzione degli eventi cardiovascolari: l'inibizione della proproteina convertasi Subtillisina / Kexina Tipo 9 (PCSK9)" mavzusiga bag'ishlangan Italiya kardiologlar kongressida ishtirok etdim va butun Italiyadan kelgan kardiologlar tomonidan taqdim etilgan dokladlarni tingladim.
31.05. Soat 11:00 da Erasmus + KA 107 o'quvchilarining yig'ilishi bo'lib o'tdi, unda barcha xalqaro talabalar bilan uchrashdim. Biz bu yerda Piza universitetida olib borayotgan ilmiy ish va o'qish haqida tajriba almashdik.
19.06. Men "Carotid artery stenosis" mavzusiga bag'ishlangan Prof. Antonio Rizzaninga va Varshava Universitetining Professori dr. Tomasz Mazurek "Interventional treatment in Cardiology" mavzusiga oid seminarda qatnashdim. Ushbu seminarda biz karotid arteriya stenozi va yurak amaliyotida invaziv davolash usullari bilan bog'liq bo'lgan muammolarni tahlil qildik. Ikkala professor o'zlarining tajribalari bilan o'zaro fikr almashdilar.
20.06. Dr. E.Cerri bilan birgalikda tibbiyotimiz uchun yangi yo'nalish bo'lgan Yadro tibbiyoti bo'limida bemorlarni tekshirish boshlandi: 1. 51 yoshli bemor. 2. Bemor 68 yoshda. 3. Bemor 60 yoshda. 4. Bemor 53 yoshda. Barcha bemorlarga dastlabki EKG olindi, qon bosimi va yurak urishi o'lchandi. Keyin bemorlar statsionar velosipedda jismoniy mashq qildilar. Jismoniy faollikning eng yuqori nuqtasida bemorlarga izotop Technetium vena ichiga yuvorildi. Qon bosimi, puls va EKG tekshirildi. Bemorlarga yogurt va suv berildi. 40 daqiqadan so'ng bemorlar PET bilan tekshirildi.
26.06. Men "Insufficiensa mitralica" muammosiga bag'ishlangan professor Umberto Conti seminarida ishtirok. Ushbu seminarda professor mitral yetishmovchilikni erta tashxislash va jarrohlik usullarini qo'llashdagi muammolarni bayon etdi.
09.07. Men professor Ferdinando Franzoni bilan uchrashdim. Birgalikda amalga oshirilgan ishlarni muhokama qildik, tadqiqot ishlarini davom ettirish bo'yicha rejalarimizni belgilab oldik va menga Piza universitetida ilmiy izlanish ishlarini davom ettirish taklif etildi.