2018 yil 22 sentyabr kuni Toshkent pediatriya tibbiyot institutida 1 kurs talabalari uchun “Talabalikka bag‘ishlov-2018!” bayram tadbiri o‘tkazildi.

Talabalarni “Talabalikka bag‘ishlov-2018!” bayrami ya’ni, talabalikka qabul qilinganligi bilan institut rahbariyati, professor-o‘qituvchilar va ota-onalar samimiy  tabrikladi.  

Talabalar mustaqil Vatan taqdirini o‘z taqdiri bilan chambarchas bog‘lashga, ulug‘ ajdodlarimiz asos solgan ilmiy maktabni zamonaviy talablar asosida davom ettirishga, ijodiy va intellektual qobiliyatini ro‘yobga chiqarishda yaratilgan barcha imkoniyatlardan keng foydalanishga, jamoat ishlarida, faol ishtirok etishga, tibbiyot ilmini chuqur o‘rganib, etuk mutaxassis bo‘lib yetishishi uchun bor kuch - quvvati va bilimini ayamaslikka qasamyod qildi. Tadbir tafsilotlari “Mening yurtim” telekanalining dasturida namoyish etildi.