2019 yil 7-9 yanvar kunlari ToshPTI Innovatsiya Markazida institutning barcha kafedra va kurs o’qituvchilari, shuningdek barcha dekanat xodimlari uchun TPMI Data List (elektron ma’lumotlar ro’yxati) yangi veb-tizimiga bag’ishlangan o’quv seminari o’tkazildi.

 Ushbu tizim kafedra va kurs o’qituvchilariga har semestr boshida bazaga kiritilgan tayyor ma’lumotlardan foydalangan xolda, maxsus qulay formalarda dars jadvallarini tuzish va ularni onlayn tartibda yuborish imkonini beradi, va bu qulayliklar dars jadvallarini tuzish jarayonidagi turli xil xatoliklar ehtimolini sezilarli darajada kamaytiradi va vaqtni tejashda yordam beradi. Kafedra, kurs o’qituvchilari va dekanat xodimlari ushbu yangi tizim bilan, uni yaratish va tadbiq etishdan asosiy maqsad bilan, qulaylik va yengilliklari, foydalanish qoidalari bilan batafsil tanishtirildilar. Kafedra, kurs o’qituvchilari va dekanat xodimlari ushbu yangi tizim bo’yicha qiziqtirgan barcha savollariga javob olishdi, shuningdek ularga TPMI Data List elektron ma’lumotlar ro’yxati veb-tizimidan foydalanish qo’llanmasi tarqatildi. Seminar yakunida foydalanuvchilarni yangi veb-tizim bilan yaqinroq tanishtirish va tizimning xatosiz ishlashini tekshirish maqsadida kafedra o’qituvchilari va dekanat xodimlariga yangi veb-platformani amalda qo’llab ko’rish taklif etildi. Tizimni 2019 yil 14 yanvar kuni rasmiy tarzda ishga tushirish rejalashtirilmoqda.