Inson- aziz, xotira - muqaddas!

Yurtimizdagi tinch va osoyishta hayot, musaffo osmon va farovon turmush tarzi xalqimizning azaliy orzusi. Ana shu osoyishta kunlarning qadriga etish, uni mustahkamlash va bugungi dorilomon kunlar uchun qahramonlik ko’rsatgan insonlarni eslash va ularga ehtirom ko’rsatish har birimizning burchimizdir.

Ushbu sana munosabati bilan  joriy yil 6 may kuni Toshkent Pediatriya tibbiyot institutida “Inson-aziz, xotira-muqaddas!” mavzusida bayram tadbiri o’tkazildi.

Bayram tadbiriga front orti mehnat faxriylari, Afg’on urushi qatnashchilari va faxriy professor-o’qituvchilar taklif etildi.

O’zbekiston Davlat sa’nat va madaniyat institutining amaliyotchi talabalari Sherali Bekmurodov va Ergash Hojievlar tomonidan sahna ko’rinishlari namoyish etildi.

Bayram tadbiriga taklif etilgan faxriylarga xodimlar kasaba uyushmasining qimmatbaho sovg’alari taqdim etildi.