“Kuch-adolatda”

2015 yil 9 aprel kuni Toshkent Pediatriya tibbiyot institutida Amir Temur tavalludining 679 yilligiga bag’ishlab “Kuch-adolatda” mavzusida ma’naviy-ma’rifiy tadbir o’tkazildi.

Tadbirda O’zbekiston“Adolat” SDP Siyosiy Kengashi bo’lim boshlig’i  M.K.Holiqova, O’zbekiston“Adolat” SDP Toshkent shahar Kengashi raisining birinchi o’rinbosari A.K.Amanov, O’zbekiston“Adolat” SDP Toshkent shahar Kengashi matbuot kotibi B.I.Otamurodov, O’zbekiston “Adolat” SDP Yunusobod tumani Kengashi raisi M.A.Arifxanovalar  o’zlikni anglash va milliy g’urur, jumladan, Amir Temurning o’lmas nomi, jahon taraqqiyotiga qo’shgan beqiyos hissasini o’rganish, boy ma’naviy merosidan yoshlarni vatanparvarlik, istiqlol g’oyalariga sadoqat ruhida tarbiyalashda keng foydalanish bo’yicha amalga oshirilayotgan ishlar xususida hamda Temur va temuriylar ma’naviy-ilmiy merosining yoshlar tarbiyasidagi o’rni va ahamiyati xususida atroflicha so’z yuritdi.

Talabalar bergan savollarga mutaxassislar tomonidan atroflicha javoblar berib o’tildi.