“ZAHIRIDDIN MUXAMMAD BOBUR- MA’NAVIYATIMIZNING PORLOQYULDUZI”

 Toshkent Pediatriya tibbiyot institutida 2014 yil 13 fevral kuni  buyuk ajdodimiz Zahiriddin Muxammad Bobur tavalludining 531 yilligiga bag’ishlab, “Zahiriddin Muxammad Bobur-ma’naviyatimizning porloq yulduzi” mavzusidama’naviy-ma’rifiy bayram tadbiri o’tkazildi.

Bayram tadbiriga Toshkent davlat texnika universiteti dotsenti f.f.n. F.A.Primova tashrif  buyurdi va  Zahiriddin Muxammad Bobur hayoti va ijodiga doir ma’lumotlar berdi hamda  talaba-yoshlarni insonparvarlik, vatanparvarlik ruhida tarbiyalash, milliy tariximizni anglashda buyuk ajdodlarimizning bebaho ma’naviy-ma’rifiy merosining ahamiyati to’g’risida to’xtalib o’tdi.

Professor E.A.Tursunov ham so’zga chiqib, Zahiriddin Muxammad Boburning  yoshlarni komillikka etaklovchi  fikrlari bilan mavzuni davom ettirdi.

O’zbekiston davlat madaniyat va sa’nat institutining talabasi Sh.Azizov tomonidan Z.M.Bobur g’azallaridan bastalangan  mumtoz ashulalar ijro etildi.